Kæru vinir

Á þessum varhugaverðu tímum aflýsum við samkomuhaldi til að fyrirbyggja smit af völdum coronuveirunnar. Þess vegna verður ekki barnasamvera núna á laugardaginn 14/11. 

Í framhaldi af því munum við áfram fylgjast með leiðbeiningum yfirvalda.

Það er óljóst á þessari stundu hvort við getum haft samkomu á aðventu, en nánar auglýst er nær dregur.

Pössum upp á hvert annað og gætum að náunganum. 

Með kærleikskveðju,

Prestur og sóknarnefnd íslensku kirkjunnar í Svíþjóð.

Brosmilda hornið 

# Allir íbúar jarðarinnar brosa á sama tungumáli.         Ók. höf

# Bros er ódýrasta fegrunarlyf sem fyrirfinnst.             Ók. höf

# Brosið er hvísl hlátursins.                                            Leo J Burke

# Bros kostar minna en rafmagn en ber meiri birtu.     Skoskt máltæki

# Bros er ljós í andlitsglugganum sem sýnir að hjartað er heima.      Henry Ward Beecher

# Deild gleði er tvöföld gleði, deild sorg er hálf sorg.                         Sænskt máltæki

# Ánægjan er okkar besta eign.                                     William Shakespeare

Um helgina var ráðgerð guðsþjónusta hjá okkur. Í stað þess að aflýsa viljum við breyta til og prófa okkur áfram með óformlega samkomu sem tekur tillit til sóttvarnarreglna.

Verið velkomin á opið hús og íslenska helgistund í safnaðarheimili Västra Frölunda kirkju sunnudaginn 8. nóv. kl. 14 til 15.

Tónlist flutt, textar og ljóð til íhugunar, hver og ein/n getur skrifað bæn, kveikt á kerti … hægt er að koma og fara eða setjast eftir því sem hver vill.

Lisa Fröberg leikur á píanóið og prestur er Ágúst Einarsson. 

Kaffi á könnunni á sama tíma.

Opna húsið er í Stóra salnum í safnaðarheimilinu vegna þess að viðgerð fer fram í kirkjunni. Við gerum allt sem í okkar valdi stendur til að tryggja hreinlæti og fjarlægð milli einstaklinga. 

Verið velkomin!

Spaka hornið    Bænir:

Góði Guð, í dag hef ég ekki talað illa um neinn, ég hef ekki misst móðinn.

Ég hef ekki verið geðstirð/ur, viðskotaill/ur eða sjálfselsk/ur.

En eftir nokkrar mínútur fer ég fram úr rúminu og frá þeirri stund þarf ég talsverða hjálp frá þér.  Amen    (Kristina Raftel)

Guð gef mér æðruleysi til að sætta mig við það sem ég fæ ekki breytt, 

kjark til að breyta því sem ég get breytt, og vit til að greina þar á milli. (Æðruleysisbænin)

P.S.  Dagskrá íslenska kirkjustarfsins verður auglýst viku fyrir viku og helgihald á aðventu er nær dregur. 

Bestu kveðjur, Ágúst

Viðtalstími prests á skrifstofu mán., þri., og fim. kl. 10 til 12 og eftir samkomulagi. Sími 070 286 39 69. 

Þetta bréf er sent á netfangaskrá ÍKS í Gautaborg. Vinsamlega látið vita um breytingar á búsetu og netföngum á kirkjan@telia.com

Starfsmiðstöð: Västra Frölunda kyrka, Frölunda Kyrkogata 2, 42147 V Frölunda.

Heimasíða: www.kirkjan.se

Barnastund og fjölskyldusamvera sem verður í safnaðarheimili V-Frölundakirkju laugardaginn 24. okt. kl. 11.00

Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall. 

Gengið inn að neðanverðu, skiltið „barn och ungdom“ vísar á innganginn.  

Verið velkomin!  – Á sóttvarnartímum höldum við fjarlægð og gerum aðrar ráðstafanir sem ráðlagðar eru til að draga úr smithættu. –

Ljóð og speki:

Allt fram streymir endalaust 

ár og dagar líða.

Nú er komið hrímkalt haust,

horfin sumars blíða.

Kristján Jónsson Fjallaskáld  „Haust“

Tíminn er 

of hægur fyrir þá sem bíða,

of hraður fyrir þá sem óttast,

of langur fyrir þá sem syrgja,

of stuttur fyrir þá sem fagna, 

en fyrir þá sem elska

er tíminn eilífur.

                      Henry Van Dyke

Þótt þú langförull legðir

sérhvert land undir fót,

bera hugur og hjarta 

samt þíns heimalands mót.

Sterphan G Stephansson – „Úr Íslendingadags ræðu“

P.S.  Dagskrá íslenska kirkjustarfsins verður auglýst viku fyrir viku en eftirfarandi er ráðgert á haustmisseri:

Sun. 8 nóvember Guðsþjónusta kl. 14

Lau. 14 nóvember Barnastarf kl. 11

Lau. 28 nóvember Barnastarf kl. 11

Helgihald á aðventu verður auglýst er nær dregur.

Bestu kveðjur, Ágúst

Viðtalstími prests á skrifstofu mán., þri., og fim. kl. 10 til 12 og eftir samkomulagi. Sími 070 286 39 69. 

Þetta bréf er sent á netfangaskrá ÍKS í Gautaborg. Vinsamlega látið vita um breytingar á búsetu og netföngum á kirkjan@telia.com

Starfsmiðstöð: Västra Frölunda kyrka, Frölunda Kyrkogata 2, 42147 V Frölunda.

Um þetta leyti árs höfum við árlega efnt til sameiginlegrar guðsþjónustu með öðrum erlendum söfnuðum í Gautaborg. Vegna Covid19-fjöldatakmarkana verður guðsþjónustan að þessu sinnieingöngu á netinu og hægt að tengast með því að fara inn á vefslóðina hér að neðan.

Guðsþjónustan er tengd degi Sameinuðu þjóðanna og nú eru SÞ á þeim tímamótum að 75 ár eru liðin frá stofnun þeirra og jafnframt lokum síðari Heimstyrjaldar.

Guðsþjónustan verður sunnudaginn 18 október kl. 11.00 og einnig er hægt að fara inn á vefslóðina eftir þann tíma.  Sjá:

Christoph Gamer predikar, Magnús Kjellson leikur á orgel og Lisa Fröberg syngur sálma.

Á heimasíðunni er messuskrá en á upptökunni eru textar lesnir á ýmsum tungumálum þ á m íslensku, en predikunin er á sænsku.

P.S.  Dagskrá íslenska kirkjustarfsins verður auglýst viku fyrir viku en eftirfarandi er ráðgert á haustmisseri:

Lau. 24 október Barnastarf kl. 11

Sun. 8 nóvember Guðsþjónusta kl. 14

Lau. 14 nóvember Barnastarf kl. 11

Lau. 28 nóvember Barnastarf kl. 11

Helgihald á aðventu verður auglýst er nær dregur.

Bestu kveðjur, Ágúst

Viðtalstími prests á skrifstofu mán., þri., og fim. kl. 10 til 12 og eftir samkomulagi. Sími 070 286 39 69. 

Þetta bréf er sent á netfangaskrá ÍKS í Gautaborg. Vinsamlega látið vita um breytingar á búsetu og netföngum á kirkjan@telia.com

Starfsmiðstöð: Västra Frölunda kyrka, Frölunda Kyrkogata 2, 42147 V Frölunda.

Barnastund og fjölskyldusamvera sem verður í safnaðarheimili V-Frölundakirkju laugardaginn 10. okt. kl. 11.00

Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall.  Gengið inn að neðanverðu, skiltið „barn och ungdom“ vísar á innganginn.  

Verið velkomin!   

– Á sóttvarnartímum höldum við fjarlægð og gerum aðrar ráðstafanir sem ráðlagðar eru til að draga úr smithættu. –

Spaka hornið:

”Lengsta ferðalagið er inn á við.”   Dag Hammarskjöld

”Og hvort sem þig rekur á bátkænu gegnum lífið eða teymir hest upp brattann á gamals aldri, er sérhver dagur ferðalag, og ferðin sjálf heimili þitt.”Basho – þýðing Óskar Árni Óskarsson

”Ég er kominn upp á það 

• allra þakka verðast –

að sitja kyrr á sama stað,

og samt að vera´ að ferðast”

Jónas Hallgrímsson – ”Sparnaður”

”Þegar ég geng með þér finnst mér ég hafa blóm í hnappagatinu.” W.H.Thackeray

P.S.  Dagskrá íslenska kirkjustarfsinsverður auglýst viku fyrir viku en eftirfarandi er ráðgert á haustmisseri:

Lau. 24 október Barnastarf kl. 11

Sun. 8 nóvember Guðsþjónusta kl. 14

Lau. 14 nóvember Barnastarf kl. 11

Lau. 28 nóvember Barnastarf kl. 11

Helgihald á aðventu verður auglýst er nær dregur.

Bestu kveðjur, Ágúst

Viðtalstími prests á skrifstofu mán., þri., og fim. kl. 10 til 12 og eftir samkomulagi. Sími 070 286 39 69. 

Barnastund og fjölskyldusamvera sem verður í safnaðarheimili V-Frölundakirkju laugardaginn 26. sept. kl. 11.00. Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall. Gengið inn að neðanverðu, skiltið „barn och ungdom“ vísar á innganginn.  

Verið einnig velkomin íslenska guðsþjónustu í Gautaborgsem verður í safnaðarheimili Västra Frölunda sunnudaginn 27. sept. kl. 14.00.  

Íslenski kórinn í Gautaborg syngur ásamt Karl Johan Karlsson söngvaskáldi (trúbadúr) sem einnig syngur einsöng. Orgel og kórstjórn annast Lisa Fröberg. Prestur er Ágúst Einarsson. 

Kirkjukaffi, kaffi og spjall, eftir guðsþjónustu, en þar mun Karl Johan Karlsson syngja nokkur lög.

Guðsþjónustan fer fram í Stóra salnum í safnaðarheimilinu vegna þess að viðgerð fer fram í kirkjunni.  Við viljum eins og sænska kirkjan „ställa om men inte ställa in” og reynum að gera allt sem í okkar valdi stendur til að tryggja hreinlæti og fjarlægð milli einstaklinga. 

Verið velkomin!

P.S.  Dagskrá íslenska kirkjustarfsins verður auglýst viku fyrir viku en eftirfarandi er ráðgert á haustmisseri:

2 til 4 október Fermingarmót á Ah stiftgard 

Lau. 10 október Barnastarf kl. 11

Lau. 24 október Barnastarf kl. 11

Sun. 8 nóvember Guðsþjónusta kl. 14

Lau. 14 nóvember Barnastarf kl. 11

Lau. 28 nóvember Barnastarf kl. 11

Helgihald á aðventu verður auglýst er nær dregur.

Bestu kveðjur, Ágúst

Sæl verið þið. Nú þegar sumri hallar förum við í gang með samverur í íslenska kirkjustarfinu í Gautaborg. 

Við gerum allar skynsamlegar ráðstafanir varðandi hreinlæti, takmarkaðan fjölda og fjarlægð milli einstaklinga. 

Það verður ánægjulegt að hittast á ný! 

Fyrst á dagskrá er; 

Barnastund og fjölskyldusamvera sem verður í safnaðarheimili V-Frölundakirkju laugardaginn 12. september kl. 11.00. 

Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall. 

Gengið inn að neðanverðu, skiltið „barn och ungdom“ vísar á innganginn.  

Verið velkomin!

P.S.  Dagskrá íslenska kirkjustarfsins verður auglýst viku fyrir viku en eftirfarandi er ráðgert á haustmisseri:

Lau. 26 september Barnastarf kl. 11.

Sun. 27 september. Guðsþjónusta kl. 14. Íslenski kórinn í Gautaborg syngur undir stjórn Lisu Fröberg. Í vetur verða guðsþjónusturnar í Stóra salnum í safnaðarheimilinu vegna þess að viðgerð fer fram í kirkjunni.

2 til 4 október Fermingarmót á Ah stiftgard 

Lau. 10 október Barnastarf kl. 11

Lau. 24 október Barnastarf kl. 11

Sun. 8 nóvember Guðsþjónusta kl. 14

Lau. 14 nóvember Barnastarf kl. 11

Lau. 28 nóvember Barnastarf kl. 11

Helgihald á aðventu verður auglýst er nær dregur.

Bestu kveðjur, Ágúst

Viðtalstími prests á skrifstofu mán., þri., og fim. kl. 10 til 12 og eftir samkomulagi. Sími 070 286 39 69. www.kirkjan.se

Þetta bréf er sent á netfangaskrá ÍKS í Gautaborg. Vinsamlega látið vita um breytingar á búsetu og netföngum á kirkjan@telia.com

Starfsmiðstöð: Västra Frölunda kyrka, Frölunda Kyrkogata 2, 42147 V Frölunda.

Fermingarfræðsla Íslensku kirkjunnar í Svíþjóð

Íslenska kirkjustarfið í Svíþjóð býður upp á fermingarfræðslu nú sem fyrr. Þátttakendur geta komið af öllu landinu. Við reynum að brúa fjarlægðir með því að hittast á fermingarmótum, boðið er upp á fræðslusamverur og auk þess notum við símtöl og tölvupóst til að vera í tengslum.

Skráning í fermingarfræðslu stendur yfir, vinsamlegast skráið ykkur fyrir 10 september. Áhugasamir eru beðnir að senda póst á kirkjan@telia.com til að fá skráningarblað sent til baka.

Nánar um fermingarfræðsluna, fermingarmót í október

Fermingarundirbúningurinn hefst með fermingarmóti á Åh Stiftgård helgina 2.-4. okt. 2020. Hópurinn hittist á brautarstöðinni í Gautaborg á föstudegi.  Við förum með rútu til Åh stiftgård sem er 70 km fyrir norðan Gautaborg. Komum aftur til Gautaborgar um hádegi á sunnudegi og þaðan taka allir lest eða rútu heim.

Á fermingarmótinu gefst tækifæri til að kynnast og byrja fræðsluna af krafti. Á mótinu samtvinnum við nám, leik og skemmtilega samveru. Við reiknum með um 20 unglingum á mótið og um 8 fullorðnir eru með til að hafa umsjón með hópnum. Oft höfum við haft mun stærri hópa á fermingarmóti, en að þessu sinni eru unglingar frá Noregi og Danmörku ekki með, heldur hittast íslenskir unglingar í hverju landi fyrir sig.

Á Covid-19 tímum er allt gert á AH stiftgård til þess að minnka líkur á smiti. Reglur eru um hópastærð, hreinlæti og fjarlægð milli einstaklinga. 

Fræðsla og kirkjusókn í vetur

Fræðslan heldur áfram eftir fermingarmótið með því að unglingarnir sækja guðsþjónustur í heimabyggð og skila verkefnum með tölvupósti. Fræðslufundir eru í tengslum við íslenskar guðsþjónustur. Einnig er boðið upp á símakennslutíma fyrir þá sem ekki komast í kennslustundir tengdar íslensku helgihaldi.

Fermingarmót í maí 2021

Að vori hittist hópurinn að nýju á sama stað, áætlað vormót er helgina 7 – 9. maí2021.

Fermingardagar

Það er valfrjálst hvort fermingin fari fram í Svíþjóð eða heima á Íslandi. Fermingarguðsþjónustur eru yfirleitt í lok maímánaðar hér Svíþjóð.

Unglingarnir geta fengið leyfi til að fermast fyrr eða í kringum páska 2021 á Íslandi þó fermingarfræðslu sé ekki lokið hér hjá okkur, en skuldbinda sig þá til að koma á seinna fermingarmótið og ljúka kennsluprógramminu.

Skráning stendur yfir

Þeir sem vilja vera með í fermingarfræðslu í vetur þurfa að skrá sig sem fyrst. Vinsamlegast hafið samband á kirkjan@telia.com og biðjið um skráningarblað, einnig er velkomið að leita frekari upplýsinga hjá undirrituðum í síma 070 286 39 69.

Bestu kveðjur, Ágúst Einarsson, prestur Íslendinga í Svíþjóð.

Nú fer hefðbundið vetrarstarf í gang í Gautaborg. Barna- og fjölskyldusamverur eru ráðgerðar hálfsmánaðarlega og guðsþjónustur einu sinni í mánuði. Vegna Covid-19 höldum við fjarlægð og takmörkun á fjölda sem hittist miðast við 50 manns.

Barna- og fjölskyldusamverur eru ráðgerðar kl. 11 á neðri hæð safnaðarheimilis V-Frölundakirkju laugardagana:

12. og 26. september, 10. og 24. október, 14. og 28. nóvember.

Guðsþjónustur verða í safnaðarheimili Västra Frölundakirkju sunnudagana:

27. september og 8. nóvember kl. 14.

Guðsþjónustur á aðventu og jólum verða auglýstar er nær dregur.

Västra Frölunda kirkja er lokuð vegna viðgerða fram í apríl 2021 og þess vegna fara guðsþjónustur fram í safnaðarheimilinu í vetur.

Kæru vinir,

Á þessum undarlegu og varhugaverðu tímum höfum við virt leiðbeiningar yfirvalda til að fyrirbyggja frekara smit af völdum coronaveiru. Þess vegna hefur barnastarfi, kórastarfi og guðsþjónustum verið aflýst í apríl og maímánuði. 

Í framhaldi af því munum við áfram fylgja leiðbeiningum yfirvalda hvað varðar samkomur og mannamót.

Við veltum fyrir okkur hvort möguleiki sé á guðsþjónustu í júnímánuði og hvort möguleiki sé á hefðbundnum hátíðahöldum í tengslum við þjóðhátíðardaginn 17. júní.

Það er óljóst á þessari stundu en nánar auglýst er nær dregur og ef af verður.

Pössum upp á hvert annað og gætum að náunganum. 

Með kærleikskveðju,

Prestur og sóknarnefnd íslensku kirkjunnar í Svíþjóð.

Viðtalstími prests á skrifstofu mán., þri., og fim. kl. 10 til 12 og eftir samkomulagi. Sími 070 286 39 69. www.kirkjan.se

Þetta bréf er sent á netfangaskrá ÍKS í Gautaborg. Vinsamlega látið vita um breytingar á búsetu og netföngum á kirkjan@telia.com

Starfsmiðstöð: Västra Frölunda kyrka, Frölunda Kyrkogata 2, 42147 V Frölunda.