Guðsþjónusta verður sunnudaginn 18. október í Þýsku kirkjunni (við Brunnsparken, Norra Hamngatan 16) kl. 11.00 (athugið tímasetninguna) með öðrum erlendum söfnuðum í Gautaborg. Ólík tungumál kristallast í þessari guðsþjónustu. Malin Hammarström predikar á sænsku. Íslenski kórinn í Gautaborg syngur undir stjórn Daniels Ralphssonar. Kórinn flytur: * Ich wollte rufen / I wish my words, *Englar hæstir og  * Hallelúja. Magnus Kjellson leikur á orgel. Altarisganga. Kirkjukaffi eftir guðsþjónustu m.a. íslenskar kleinur.

Verið velkomin

Barna- og fjölskyldusamvera verður í safnaðarheimili V-Frölundakirkju laugardaginn 10. október kl. 11.00. Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall.  Gengið inn í safnaðarheimilið bakatil, skiltið „barn och ungdom“ vísar á innganginn.

Verið velkomin!

Sönghópur íslenskra barna fyrir aðventu

Kristín Pálsdóttir (sem var íslenskukennari barna í Gautaborg) ætlar að standa fyrir söngæfingum fyrir börn, æfa skemmtileg jólalög og koma síðan fram með sönghópinn á aðventuhátíð í Västra Frölunda kirkju. Hér að neðan er orðsending frá Kristínu og bregðist endilega skjótt við::

Bestu foreldrar, ömmur og afar.

Ég er að safna saman söng-glöðum börnum og unglingum sem vilja vara með í sönghóp og æfa fyrir Aðventuhátíð hér í Gautaborg þann 13.desember.

Ætlunin er að hittast og æfa í nokkur skipti, allir fá texta af lögum með sér heim.

Sendið persónuleg skilaboð til mín ef áhugi er og ef þið hafið spurningar.

Kær kveðja Kristín Pálsdóttir 

kristin@palsdottir.se  sími 0702300676 eða á Messenger.

Þetta er framundan í félagsstarfinu:

Barnasamverur auglýstar jafnóðum og fjöldi þeirra eftir áhuga og þátttöku.

Samkirkjuleg guðsþjónusta sun.18 okt. kl. 11 í Þýsku kirkjunni.

Aðventutónleikar Íslenska kórsins í Gautaborg föst. 27 nóv. í Þýsku kirkjunni.

Aðventuhátíð í V-Frölunda sun 13. des kl. 14.

Jólahátíðarguðsþjónusta 2 jóladag 26. des kl. 14 í V-Frölunda.

Speki í dagsins önn.

“Bjartsýnisfólk hefur kannski rangt fyrir sér jafn oft og svartsýnisfólk en það skemmtir sér betur.” Úr vináttubók Francis Gay

“Lifðu hverja árstíð á meðan hún líður, andaðu að þér loftinu, drekktu drykkinn, bragðaðu vöxtinn og gefðu þig á vald áhrifanna.” Henry David Thoreau (1817-1862)

“Hamingjan er byggð á einföldum grunni – ást á fegurð, skopskyn, gjöf góðrar vináttu.“ Úr vináttubók Francis Gay

Með kærri kveðju, Ágúst

Barna- og fjölskyldusamvera verður í safnaðarheimili V-Frölundakirkju laugardaginn 26. september kl. 11.00. Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall.  Gengið inn í safnaðarheimilið bakatil, skiltið „barn och ungdom“ vísar á innganginn.

Verið velkomin! 

Íslensk guðsþjónusta verður sunnudaginn 27. september í Västra Frölunda kirkju kl. 14.00. Íslenski kórinn í Gautaborg syngur. Kórinn flytur: “Brátt mun birtan dofna“ og „Yfir voru ættarlandi”  Píanóleik og kórstjórn annast Daniel Ralphsson. Prestur er Ágúst Einarsson. 

Kirkjukaffi, kaffi og spjall eftir guðsþjónustu í safnaðarheimili.

Verið velkomin!

Þetta er framundan í félagsstarfinu:

Barnasamverur auglýstar jafnóðum og fjöldi þeirra eftir áhuga og þátttöku.

Samkirkjuleg guðsþjónusta sun.18 okt. kl. 11 í Þýsku kirkjunni

Aðventutónleikar Íslenska kórsins í Gautaborg föst. 27 nóv. í Þýsku kirkjunni.

Aðventuhátíð í V-Frölunda sun 13. des kl. 14.

Jólahátíðarguðsþjónusta 2 jóladag 26. des kl. 14 í V-Frölunda.

Speki í dagsins önn.

”Allir eiga góða og slæma tíma svo ég ákvað að hafa mína milli góðra og frábærra.”  David Hoogterp

”Þú ert ekki fullklædd/ur fyrr en þú hefur sett upp bros.” Evan Esar 

”Að  verða eldri er eins og að klífa fjall, maður verður andstuttur en útsýnið er mikið betra” ók höf.

”Þú getur ekki stjórnað því að eldast, en þú þarft ekki að verða gamall/gömul” George Burns 

Með kærri kveðju, Ágúst

Fermingarfræðsla Íslensku kirkjunnar í Svíþjóð

Íslenska kirkjustarfið í Svíþjóð býður upp á fermingarfræðslu nú sem fyrr. Þátttakendur geta komið af öllu landinu. Við reynum að brúa fjarlægðir með því að hittast á fermingarmótum, boðið er upp á fræðslusamverur og auk þess notum við símtöl og tölvupóst til að vera í tengslum.

Skráning í fermingarfræðslu fyrir næsta vetur stendur yfir.  Áhugasamir eru beðnir að senda póst á kirkjan@telia.com til að fá fyllri upplýsingar og/eða fá skráningarblað sent til baka.

Fermingarmót í septemer

Fermingarundirbúningurinn hefst með fermingarmóti á Åh Stiftgård helgina 18-20. sept. 2026.  Hópurinn hittist á brautarstöðinni í Gautaborg á föstudegi.  Við förum með rútu til Åh stiftgård sem er 70 km fyrir norðan Gautaborg. Komum aftur til Gautaborgar um hádegi á sunnudegi og þaðan taka allir lest eða rútu heim.

Á fermingarmótinu gefst tækifæri til að kynnast og byrja fræðsluna af krafti. Á mótinu samtvinnum við nám, leik og skemmtilega samveru. Við reiknum með um 60 unglingum og ungleiðtogum á mótið og um 10 fullorðnir eru líka með til að hafa umsjón með hópnum. Íslenskir unglingar í fermingarfræðslu frá Svíþjóð, Noregi og Danmörku hittast á þessu móti.

Fræðsla og kirkjusókn í vetur

Fræðslan heldur áfram eftir fermingarmótið með því að unglingarnir sækja guðsþjónustur í heimabyggð og skila verkefnum með tölvupósti. Fræðslufundir eru í tengslum við íslenskar guðsþjónustur. Einnig er boðið upp á símakennslutíma fyrir þá sem ekki komast í kennslustundir tengdar íslensku helgihaldi.

Fermingarmót í apríl/maí 2027

Að vori hittist hópurinn að nýju á sama stað 30. apríl.-2. maí á vormóti 2027 og markar það lok fermingarfræðslu vetrarins.

Fermingardagar

Það er valfrjálst hvort fermingin fari fram í Svíþjóð eða á Íslandi. Fermingarguðsþjónustur eru yfirleitt í lok maí eða byrjun júní hér Svíþjóð.

Unglingarnir geta fengið leyfi til að fermast fyrr eða í kringum páska 2027 á Íslandi þó fermingarfræðslu sé ekki lokið hér hjá okkur, en skuldbinda sig þá til að koma á seinna fermingarmótið og ljúka kennsluprógramminu.

Skráning stendur yfir

Þeir sem vilja vera með í fermingarfræðslu í vetur þurfa að skrá sig sem fyrst eða fyrir 20. ágúst. Vinsamlegast hafið samband á kirkjan@telia.com og biðjið um skráningarblað, einnig er velkomið að leita frekari upplýsinga hjá undirrituðum í síma 070 286 39 69.

Bestu kveðjur, Ágúst Einarsson, prestur Íslendinga í Svíþjóð.

Útihátíð verður haldin sunnudaginn 14. júní frá kl. 13 (ath. dag og tíma) á lóðinni við safnaðarheimili Västra Frölunda kirkju. 

Vonandi verður sól úti og allavega sól í sinni. En ef veðrið verður kalt/blautt höfum við aðstöðu fyrir dagskrá inni í safnaðarheimilinu.

Þeir sem vilja geta tekið með sér nestiskörfu og aðstaða er til að grilla, við kyndum grillin.  

Dagskrá á sviði hefst kl. 14: Við tökum lagið.Fjallkonan flytur ljóð. Christina Nilroth ræðismaður flytur ávarp. 

Leikir, gleði, andlitsmálning og kátína í fögru umhverfi.  🇮🇸🇮🇸🇮🇸🇮🇸🇮🇸

Sölubíll frá Grimsis verður á staðnum frá kl. 13.00 og selur sælgæti. Panta þarf frosinn fisk og lambakjöt fyrirfram (en kryddlegið kjöt er ekki í boði núna). Panta má í síma 033 289095 eða með skilaboðum á order@grimsis.se   Hægt að sjá úrvalið á: www.grimsis.se

Þátttökugjald er 100 kr á fjölskyldu eða frjálst framlag.  Vinsamlega swishið á: 123 572 45 62

Fyrir þá sem ekki eru með nesti verða grillpylsur, safi/gos, skúffukaka og kaffi/te verður selt á vægu verði.

Verið velkomin!

Hæ, hó jibbí jei og jibbíí jei!  🇮🇸🇮🇸🇮🇸🇮🇸🇮🇸

Þjóðhátíðarnefndin

Íslensk vorhátíðarguðsþjónusta verður sunnudaginn 24. maí í Västra Frölunda kirkju kl. 14.00. Íslenski kórinn í Gautaborg syngur. Kórinn flytur: “Sommarpsalm från Åland“ Göran Andersson, arr Jan Hellberg og „Vorlauf“ Þorsteinn Valdimarsson, arr Hildigunnur Rúnarsdóttir.  Píanóleik og kórstjórn annast Daniel Ralphsson. Prestur er Ágúst Einarsson. 

Kirkjukaffi, kaffi og spjall eftir guðsþjónustu í safnaðarheimili.

Verið velkomin!

Hátíðahöld í tilefni Þjóðhátíðardagsins 17. júní verða nánar auglýst síðar.

Páskahátíðarstund verður annan páskadag, 6. apríl kl. 14 í Västra Frölunda kirkju. Mikill kórsöngur einkennir hátíðina. Drengjakórinn King´s Voice kemur í heimsókn og syngur undir stjórn Lisu Fröberg. King´s Voice syngur m.a. ”Mary did you know” og ”Ride the Chariot” Íslenski kórinn í Gautaborg syngur undir stjórn Daniels Ralphssonar. Kórinn syngur ”Vorið kemur” og ”Sefur sól hjá ægi/Í skógi”. 

Í kirkjukaffi gleður King´s Voice okkur áfram með flutningi á nokkrum lögum. 

Aðalfundur kirkjustarfsins verður að kirkjukaffi loknu.

Dagskrá framundan:

24. maí, sunnudagur, vorhátíðarguðsþjónusta kl. 14

14. júní, sunnudagur, útihátíðarhöld kl. 14. í tilefni 17 júní þjóðhátíðar. 

Nánar auglýst síðar.

Viltu vera með í sóknarnefnd?

Kosið verður í sóknarnefnd á aðalfundi kirkjustarfsins eftir messu annan páskadag mán. 21. apríl n.k. Við óskum eftir samstarfsfólki sem vill vinna með okkur. Yfir vetrartímann hittumst við öðru hvoru til að ræða málin og skipuleggja kirkjustarfið. Á fundum nefndarinnar eru margvísleg mál rædd í góðum hópi yfir málsverði í safnaðarheimilinu.  Við viljum efla menningarlega starfsemi meðal Íslendinga og fögnum liðsauka í nefndina.  Áhugasamir geta haft samband við Ágúst prest s. 0702863969 eða Guðna formann s. 0723969070

Barna- og fjölskyldusamvera verður í Norsku kirkjunni (Stigbergsgatan 24) sunnudaginn 22. mars kl. 14.00. Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall. Umsjón hafa Ágúst Einarsson prestur og Bryndís Ásta Magnúsdóttir kórstjóri. 

Verið velkomin! 

 Staðsetningin er nálægt Slussen, 18 mínútna ganga þaðan til:

Norska Sjømannskirken, Kronprinsesse Märthas Kirke

Stigbergsgatan 24, 116 28 Stockholm

… og einnig stoppar strætó alveg við kirkjuna og bílastæði eru fyrir framan innganginn.

Barna- og fjölskyldusamvera verður í safnaðarheimili V-Frölundakirkju laugardaginn 21. mars kl. 11.00. Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall.  Gengið inn í safnaðarheimilið bakatil, skiltið „barn och ungdom“ vísar á innganginn.

Verið velkomin! 

Dagskrá kirkjustarfins framundan:

Barnasamverur verða auglýstar jafnóðum og fara eftir aðsókn og vilja þátttakenda. 

6. apríl mánudagur 2 í páskum, guðsþjónusta kl. 14  Sönghópurinn King´s Voice kemur í heimsókn og syngur undir stjórn Lisu Fröberg í kirkju og kirkjukaffi. Íslenski kórinn í Gautaborg syngur undir stjórn Daniels Ralphssonar. Aðalfundur kirkjustarfsins.

24. maí sunnudagur, vorhátíðarguðsþjónusta kl. 14

Speki í dagsins önn.

”Allir eiga góða og slæma tíma svo ég ákvað að hafa mína milli góðra og frábærra.”  David Hoogterp

”Þú ert ekki fullklædd/ur fyrr en þú hefur sett upp bros. Evan Esar 

Með kærri kveðju, Ágúst

Barna- og fjölskyldusamvera verður í safnaðarheimili V-Frölundakirkju laugardaginn 7. mars kl. 11.00. Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall.  Gengið inn í safnaðarheimilið bakatil, skiltið „barn och ungdom“ vísar á innganginn.

Verið velkomin! 

Íslensk guðsþjónusta verður sunnudaginn 8. mars í Västra Frölunda kirkju kl. 14.00. Íslenski kórinn í Gautaborg syngur. Kórinn flytur: “Næturljóð úr Fjörðum“ Böðvar Guðmundsson, arr Tuula Jóhannesson og „Þýtur í stráum“ ísl þjóðlag, radds Sigurður Rúnar Jónsson. Píanóleik og kórstjórn annast Daniel Ralphsson. Altarisganga. Prestur er Ágúst Einarsson. 

Kirkjukaffi, kaffi og spjall eftir guðsþjónustu í safnaðarheimili.

Verið velkomin!

Viltu vera með í sóknarnefnd?

Kosið verður í sóknarnefnd á aðalfundi kirkjustarfsins eftir messu annan páskadag mán. 6. apríl n.k. Við óskum eftir samstarfsfólki sem vill vinna með okkur. Yfir vetrartímann hittumst við mánaðarlega til að ræða málin og skipuleggja kirkjustarfið. Á fundum nefndarinnar eru margvísleg mál rædd í góðum hópi. Við viljum efla menningarlega starfsemi meðal Íslendinga og fögnum liðsauka í nefndina.  Áhugasamir eru beðnir um að hafa samband við Ágúst prest s. 0702863969 eða Guðna formann s. 0723969070

Dagskrá kirkjustarfins framundan:

Barnasamverur verða auglýstar jafnóðum og fara eftir aðsókn og vilja þátttakenda. 

6. apríl mánudagur 2 í páskum, guðsþjónusta kl. 14  Sönghópurinn King´s Voice keumur í heimsókn og syngur undir stjórn Lisu Fröberg í kirkju og kirkjukaffi. Aðalfundur

24. maí sunnudagur, guðsþjónusta kl. 14 Ferming

Speki í dagsins önn.

”Stórkostlegasta uppgötvun mannkynsins er það, að maðurinn getur breytt lífi sínu, með því að breyta hugarfari sínu.” W.James

”Mistök eru aðeins tækifæri til að byrja skynsamlega aftur.” Henry Ford

”Mynd skapar þrá. Þú lætur það gerast, sem þú sérð fyrir þér.“ ók

Með kærri kveðju, Ágúst