Vorhátíðarguðsþjónusta

Íslensk guðsþjónusta verður sunnudaginn 1. júní í Västra Frölunda kirkju kl. 14.00. Íslenski kórinn í Gautaborg syngur. Kórinn flytur: Vorið kemur (Jóhannes úr Kötlum) og Söngur Gabríellu (Py Bäckman). Píanóleik, einsöng og kórstjórn annast Daniel Ralphsson. Fermd verða: Birgir Valgeirsson og Elísa Esther Auðunsdóttir. Prestur er Ágúst Einarsson. 

Kirkjukaffi, kaffi og spjall eftir guðsþjónustu í safnaðarheimili.

Verið velkomin!

Hátíðahöld í tilefni 17 júní eru ráðgerð sunnudaginn 15. júní kl. 14.00 á kirkjulóðinni við V. Frölunda kirkju.  Athugið nýjan dag og tíma. Þessa tímasetningu er ætlunin að prófa til að koma til móts við barnafjölskyldur og aðra sem eiga e. t. v. auðveldara með að koma um helgi. Nánar auglýst síðar.

Bestu kveðjur, Ágúst

Söngæfingarkvöld verður miðvikudaginn 28. maí kl.18.00 í embættisbústað sendiherra að Strandvägen í Stokkhólmi. Nánari upplýsingar verða sendar til þeirra sem skrá sig.

Söngæfingin verður undir stjórn Herdísar Ágústu Linnet og æfingunni verða m.a. sungin íslensk vor- og sumarlög.

Með söngæfingunni viljum við kanna það hversu margir kunna að hafa áhuga á að syngja í íslenskum kór í Stokkhólmi og hefja samtal um möguleg næstu skref. Þátttaka er án skuldbindingar.

Kæru Íslendingar í Stokkhólmi!  

Nú er komið að því að við viljum láta á það reyna hvort grundvöllur sé fyrir íslenskum kór í Stokkhólmi að nýju.  Fyrr á árum starfaði íslenskur kór í Stokkhólmi undir stjórn Brynju Guðmundsdóttur mörgum Íslendingum til ánægju og menningarauka.  Nú hefur verið hlé á þeirri starfsemi og e. t. v. tími kominn til að taka upp þráðinn.

Þetta framtak er á vegum undirritaðs Ágústs Einarssonar og í samvinnu við sendiráð Islands sem útvegar húsnæði fyrir fyrstu æfingar.  En ef íslenskur kór hefur starfsemi þá er ætlunin að hann verði sjálfstæður kór sem ákveður sjálfur hvernig starfsemi skuli háttað varðandi lagaval, stjórnanda, æfingastað og allt annað.

Möguleiki er á annari æfingu fyrri hluta júnímánaðar ef nægur áhugi er fyrir hendi.

Herdís Ágústa Linnet er klassískur pínaisti sem undanfarin sex ár hefur verið búsett í Svíþjóð og lauk nýlega meistaragráðu í píanóleik frá Konunglega tónlistarháskólanum í Stokkhólmi.  Herdís hefur langa reynslu af að syngja í kór og var í Kór Langholtskirkju, Kór Menntaskólans í Hamrahlíð og Hamrahlíðarkórnum.

Látið vinsamlegast vita um þátttöku þann 28. maí með því að skrá ykkur hér. Þeir sem ekki komast en vilja lýsa yfir áhuga á að taka þátt í íslensku kórastarfi geta einnig skráð áhuga. 

Hafir þú spurningar er þér velkomið að hafa samband við undirritaðan með því að senda tölvupóst á kirkjan@telia.com.

Látið einnig endilega vita ef þið hafið áhuga á þátttöku í íslenskum kór, þó þið komist ekki á æfinguna 28. maí því það getur hjálpað okkur til að taka ákvörðun um framhaldið.

Bestu kveðjur og með von um góð viðbrögð, Ágúst Einarsson