Kirkjuskóli og fjölskyldusamvera verður í safnaðarheimili V-Frölundakirkju laugardaginn 22. apríl kl. 11.00.

Söngur, fræðsla, leikur, brúðuleikhús og góð samvera yngri sem eldri.  Öll börn ásamt foreldrum innilega velkomin.

Hressing, kaffi og spjall. Gengið inn að neðanverðu, skiltið „barn och ungdom“ vísar á innganginn.

Íslensk guðsþjónusta verður í Västra Frölundakirkju sunnudaginn 23. apríl kl. 14.00.

Íslenski kórinn í Gautaborg syngur. Orgelleik og kórstjórn annast Lisa Fröberg.

Erik Mattisson einleikari hjá Gautaborgaróperunni leikur á trompet.

Barnastund, smábarnahorn.  Verið velkomin!

Kirkjukaffi eftir guðsþjónustu.

# Önnur íslensk guðsþjónusta framundan:  Sun. 21 maí kl. 14. Altarisganga.

# 17 júní útihátíð við V-Frölundakirkju. Nánar auglýst síðar.

Spaka hornið:

Fyrsti andardrátturinn

hlýtur að hafa verið innöndun

lífið sagði já við mig

og fyllti líkamann súrefni

Annar andardrátturinn

hlýtur að hafa verið útöndun

ég svaraði með jái á móti

og fyllti lífið með mér

Þannig heldur það áfram

allan tímann

tvö já mætast

og framtíðin fæðist

(e. L. Björklund, lauslega þýtt)

Bestu kveðjur,  Ágúst

Viðtalstími prests á skrifstofu mán., þri., og fim. kl. 10 til 12 og eftir samkomulagi. Sími 070 286 39 69. www.kirkjan.se

Þetta bréf er sent á netfangaskrá ÍKS í Gautaborg. Vinsamlega látið vita um breytingar á búsetu og netföngum.

Starfsmiðstöð: Västra Frölunda kyrka, Frölunda Kyrkogata 2, 42147 V Frölunda.