Barnastarf, guðsþjónusta og aðalfundur

Kirkjuskóli og fjölskyldusamvera verður í safnaðarheimili V-Frölundakirkju laugardaginn 23. febrúar kl. 11.00. 

Söngur, fræðsla, leikur, brúðuleikhús og góð samvera yngri sem eldri. Börn ásamt foreldrum innilega velkomin. Hressing, kaffi og spjall.  Börnin fá bók og mynd til að líma inn í hvert skipti sem komið er.  Gengið inn að neðanverðu, skiltið „barn och ungdom“ vísar á innganginn.

Verið velkomin!

Íslensk guðsþjónusta verður í Västra Frölundakirkju  sunnudaginn 24. febrúar kl. 14.00

Íslenski kórinn í Gautaborg syngur. Orgel og kórstjórn Lisa Fröberg. Prestur er Ágúst Einarsson. Barnastund, smábarnahorn. Kirkjukaffi eftir guðsþjónustu.

Aðalfundur kirkjustarfsinser einnig eftir guðsþjónustu, venjuleg aðalfundarstörf.

Verið velkomin!

Viltu vera með í sóknarnefnd?

Kosið verður í sóknarnefnd á aðalfundi kirkjustarfsins eftir messu sun. 24. febr. n.k. Við óskum eftir samstarfsfólki sem vill vinna með okkur. Yfir vetrartímann hittumst við mánaðarlega til að ræða málin og skipuleggja kirkjustarfið. Á fundum nefndarinnar eru margvísleg mál rædd í góðum hópi. Við viljum efla menningarlega starfsemi meðal Íslendinga og fögnum liðsauka í nefndina.  Áhugasamir eru beðnir um að hafa samband við Ágúst prest s. 0702863969 eða Birnu formann s. 0702453717

Spaka hornið

„Morgundagurinn er það mikilvægasta í lífinu. Hann kemur til okkar á miðnætti tandurhreinn. Hann er fullkominn og felur sig okkur á vald. Hann vonar að við höfum lært eitthvað af gærdeginum.“  John Wayne (1907-1979)

„Við erum það sem við þykjumst vera, svo við verðum að vanda okkur við það sem við þykjumst vera.“  Kurt Vonnegut

„Viska vekur aldrei eftirtekt því hún felst í reglu og rósemd, friði og spekt…“ Eliphas Levi

„Byrjaðu á að gera það sem er nauðsynlegt, síðan það sem er mögulegt og allt í einu geturðu gert hið ómögulelga.“  St. Francis of Assisi (1181-1226)

Bestu kveðjur,  Ágúst

Kirkjustarfið áfram á vormisseri:

Lau. 9 mars   Kirkjuskóli

Lau. 23 mars Kirkjuskóli

Sun. 24 mars Guðsþjónusta með V Frölunda

Lau. 6 apríl   Kirkjuskóli

Lau. 27 aprílKirkjuskóli

Sun. 28 apríl Guðsþjónusta

10 til 12 maí Fermingarmót á Ah stiftgard

Lau 8. Júní    Ferming í Lundi

Sun. 9 júní    Guðsþjónusta Hvítasunnudagur, ferming

Viðtalstími prests á skrifstofu mán., þri., og fim. kl. 10 til 12 og eftir samkomulagi. Sími 070 286 39 69. www.kirkjan.se

Þetta bréf er sent á netfangaskrá ÍKS í Gautaborg. Vinsamlega látið vita um breytingar á búsetu og netföngum.

Starfsmiðstöð: Västra Frölunda kyrka, Frölunda Kyrkogata 2, 42147 V Frölunda.

 

This entry was posted in Óflokkað. Bookmark the permalink.

Skildu eftir svar

Netfang þitt verður ekki birt. Nauðsynlegir reitir eru merktir *