Barna- og fjölskyldusamvera verður í safnaðarheimili V-Frölundakirkju laugardaginn 21. janúar kl. 11.00. 

Söngur, fræðsla, leikur, brúðuleikhús og góð samvera yngri sem eldri. 

Börn ásamt foreldrum innilega velkomin. Hressing, kaffi og spjall.  

Gengið inn í safnaðarheimilið bakatil, skiltið „barn och ungdom“ vísar á innganginn.  

Verið velkomin!

Guðsþjónusta verður í Västra Frölunda kirkjusunnudaginn 22. janúar kl. 14.00 

Þema: Tíminn og trúin. Íslenski kórinn í Gautaborg syngur undir stjórn Daniels Ralphssonar. Flutt verða: 

Heill þér himneska orð, Lag: Gabriel Fauré, Texti: Böðvar Guðmundsson.

Hymn, Lag: W A Mozart, Texti: Kristinn Jóhannesson. 

Okkur kært úr kvikmyndinni „Frosinn II“, Lag: Robert Lopez og Kristen Anderson-Lopez.  Texti Haraldur G. Haraldsson.

Orgelleik annast Lisa Fröberg. Prestur er Ágúst Einarsson. 

Kirkjukaffi eftir guðsþjónustu. 

Verið velkomin!

Spaka hornið:

„Menn mun aldrei skorta undur og furðuverk, einungis hæfileikann til að undrast.“  G.K.Chesterton (1874-1936)

„Við erum það sem við þykjumst vera, svo að við verðum að vanda okkur við það sem við þykjumst vera.“ Kurt Vonnegut

„Byrjaðu á því að gera það sem er nauðsynlegt, síðan það sem er mögulegt og allt í einu geturðu gert hið ómögulega.“ St Francis of Assisi (1181-1226)

Bestu kveðjur, Ágúst